Një ngjarje interesante është zhvilluar në Gjykatën e Vushtrrisë.
Kjo Gjykatë me një vendim të veçantë ia ka ndaluar një çifti nga kjo komunë të shkurorëzohet deri në momentin kur fëmija i tyre të mbushë 1 vit.
Në fund të shkurtit, çifti i kishte kërkuar Gjykatës të zhvillonte procedurën e ndarjes mes bashkëshortëve dhe procedurën e besimit të fëmijës.
Për ta realizuar këtë, çifti i kishte paraqitur Gjykatës një marrëveshje për zgjidhjen e martesës.
Por marrëveshja nuk mundi të legalizohet në Gjykatë pasi sipas gjykatësit të çështjes ndarja e çiftit në këtë kohë nuk është e lejuar pasi fëmija ishte nën moshën 1-vjeçare.
Organi kompetent gjyqësor ka arsyetuar se Ligji për familjen në Kosovë e pamundëson fillimin e procedurave të shkurorëzimit deri sa fëmija të mbushë së paku një vit./PrishtinaPress/