Përfaqësuesit e Organizatave të Dala nga Lufta e UÇK-së kanë lëshuar sallën plenare të Kuvendit të Kosovës, duke paralajmëruar se asnjë seancë tjetër nuk do të mbahet pa u shqyrtuar edhe një herë ligji për Gjykatën Speciale, e cila nuk duhet t’i gjykojë vetëm shqiptarët por edhe serbët.
Nënkryetari i Organizatës së Veteranëve të UÇK-së, Nasim Haradinaj ka deklaruar se nuk do të mund të mbahen seanca të tjera pa u shqyrtuar ligji për specialen për të dy palët njësojë.
Ai ka paralajmëruar se nuk do të lejojnë seanca, duke thënë se për hapat që do t’i ndërmarrin “po i mbajnë një fshehtësi të vogël”.