Njëri nga klubet më të mëdha në Kosovë, Prishtina ka bërë disa transferimeve interesante në ditën e fundit të afatit kalimtar.
Arango Jamal, braziliani Feritas si dhe mesfushori i talentuar Shqiprim Taipi iu bashkuan kryeqytetasve.
Njëri nga lojtarët më premtues është Shqiprim Taipi i cili pritet të shpërthejë te Prishtina.
Djaloshi nga Tërrnoci i Luginës së Preshevës ka thënë për faqen e klubit se është i lumtur që iu bashkua Prishtinës.
“Isha shumë i kënaqur kur mora vesh se më kërkonte Prishtina, për arsye se është klub shumë i trofeshëm në Kosovë dhe po ashtu të gjithë bashkëlojtarët më kanë pritur shumë mirë”.
“Po ashtu edhe dje kalova shumë mirë në testin e ndeshjes pavarësisht se fituam 3:0”.
“Pra, jam shumë i lumtur që jam pjesë e Prishtinës dhe të arrijmë objektivat e klubit e më kryesorja dihet që është titulli i kampionit”, tha mesfushori i lindur në Tërnoc të Bujanocit për faqen zyrtare të klubit.
Kujtojmë që Shqiprimi është vëllai i vogël i Gjelbrim Taipit i cili aktivizohet me gjigantin zviceran Grasshopper.
20-vjeçari ka luajtur për Shkupin si i huazuar nga Shkëndija e Tetovës.