Menjëherë pasi ishte shpallur fitues Qemajl Aliu i Vetëvendosjes kishte deklaruar se kjo komunë tashmë ishte e lirë. “Më në fund pas 22 vitesh, Shtimja ime përsëri është e lirë. Urime Shtime, urime shtimjan. Zemra mal”, shkroi ai.
Zyrtarisht sot është bërë pranim-dorëzimi i detyrës së kryetarit të Komunës së Shtimes.
Naim Ismajli i Partisë Demokratike të Kosovës që udhëhiqte me këtë komunë i dorëzoi mandatin Qemajl Aliut të Lëvizjes Vetëvendosje, i cili fitoi në balotazhi më 14 nëntor.
Në këtë ceremoni, Ismajli, ia ka dorëzuar mandatin kryetarit Aliu dhe njëherit i ka uruar suksese në drejtimin e Komunës së Shtimes, për katër vitet e ardhshme.
Me rastin e dorëzimit të mandatit, Ismajli e uroi kryetarin Aliu dhe bashkëpunëtorët e tij dhe ka thënë se e dorëzon këtë detyrë duke i uruar shëndet dhe shumë suksese në drejtimin e komunës dhe në vazhdimin e realizimit të programit dhe projekteve në të mirë të qytetarëve të Komunës së Shtimes.
Nga ana tjetër, kryetari i zgjedhur i Komunës së Shtimes, Qemajl Aliu, e ka falënderuar kryetarin Ismajli për punën e deritanishme të qeverisjes së Komunës së Shtimes.
Kujtojmë se menjëherë pasi ishte shpallur fitues Qemajl Aliu i Vetëvendosjes kishte deklaruar se kjo komunë tashmë ishte e lirë.
“Më në fund pas 22 vitesh, Shtimja ime përsëri është e lirë. Urime Shtime, urime shtimjan. Zemra mal”, shkroi ai.