Sot në Strasburg, do të zhvillohet mbledhja në Këshill të Evropës, ku kryeministri i Shqipërisë, Edi Rama, do të mbajë fjalim në të do të kërkojë rishikimin e Rezolutës 1782 dhe të shpallen të pabazuara akuzat për trafikim të paligjshëm të organeve njerëzore gjatë Luftës Çlirimtare të Kosovës.
Në Strasburg, siç ka njoftuar ajo vetë, është edhe nënkryetarja e Partisë Demokratike të Kosovës, Vlora Çitaku.
Bashkë me Çitakun, është edhe Sekretari i PDK-së për Integrime Euro-Atlantike, Bekim Çollaku.
Çitaku, në postimin e saj në Facebook, ka shkruar se: “Nuk rishkruhet historia”.
Përndryshe Kuvendi i Shqipërisë i përcolli në 12 gusht të këtij viti zyrtarisht Këshillit të Evropës rezolutën “Mbi pabazueshmërinë e pretendimeve për trafikimin e paligjshëm të organeve njerëzore në Kosovë dhe Shqipëri”, miratuar unanimisht në Kuvendin e Shqipërisë më 21 korrik 2022./Prishtinapress/
