Gjatë mëngjesit të sotëm, kreu i qeverisë Edi Rama ka zgjedhur që mesazhet e rëndësishme ti japë nëpërmjet një bashkëbisedimi live me disa të moshuar në Tiranë.
Përveçse foli për Reformën në drejtësi apo rritjen e pensioneve dhe protestën e opozitës, Rama u ndal edhe në një çështje që ritet të zërë axhendën e politikës në ditët në vijim. Pikërisht atë të zgjedhjes së presidentit të ri, procedurat për zgjedhjet e tij do te nisin më 18 prill.
Kryeministri Rama duke iu përgjigjur pyetjes së një të moshuari ka shprehur bindjen se mazhoranca e tij i ka votat që në raundin e parë për të zgjedhur kreun e ri të shtetit. Por, sipas tij, synimi është një tjetër. “Ne do bëjmë që presidenti apo presidentja të jetë një figurë që të ketë mirëkuptim dhe mbështetje”, ka thënë Rama.