Leo Messi vazhdon të shkëlqejë, për dallim nga Cristiano Ronaldo që ka humbur shkëlqimin e dikurshëm
Ylli i Barcelonës, Leo Messi, edhe njëherë ka qenë shumë vendimtar për ekipin e tij, duke shënuar një gol në minutat e fundit ndaj Atletico Madridit, për t’ia siguruar tri pikë ekipit të Enriques.
Me këtë gol, ai shkoi në kuotën e 20 golave në La Liga, duke udhëhequr garën për Pichichin. Ronaldo mbetet në pozitën e tretë në këtë renditje (16), pas Suarezit (18) e Messi (20).
Ky ishte goli i 35’të për argjentinasin në 35 paraqitje këtë edicion, derisa Ronaldo regjistron vetëm 23 gola në 30 paraqitje deri më tani këtë edicion, dukshëm numra më të ulët se viteve të kaluara.
