Kreu i PDK-së, Memli Krasniqi, në seancën e parë të sesionit vjeshtor të Kuvendit ka adresuar kritika ndaj qeverisë për qasjen e saj ndaj krizës ekonomike në vend.
Krasniqi tha se qeveria Kurti është akomoduar në kolltukët e pushtetit.
“Këto kriza po lulëzojë si pasojë e qeverisë së paaftë. Kriza e rëndë ekonomike nga e cila qytetarët po varfërohen gjithnjë e më shumë. Kjo qeveri më shpejt se që do të mund ta imagjinonte dikush është akomoduar në kolltuqet e pushtetit dhe e ka humbur ndjenjën ndaj problemeve të qytetarëve”, tha ai.
Ai tha po ashtu se qeveria krizën po e trajton si luftë politike e jo si krizë ekonomike.
“Kriza nëpër të cilën po kalon vendi qeveria po e trajton si luftë politike që s’është aspak. Çmimet kanë arritur nivele të përballueshme, të ardhurat e punonjësve kanë mbetur të pandryshuara që do të thotë se fuqia blerëse ka rënë ndjeshëm. Në këtë periudhë rritje të të hyrave ka pasur vetëm qeveria për shkak se po e shfrytëzon inflacionin për ta mbushur buxhetin e shtetit dhe ka refuzuar çfarëdo mase për ta ngadalësuar rritjen e çmimeve. Qeveria ka bllokuar maksimalisht investimet kapitale për këtë vit ku janë realizuar vetëm 19% të planifikimeve duke e ngulfatur sektorin privat”, u shpreh Krasniqi.
Ai ka propozuar edhe disa masa për u lehtësuar qytetarëve përballimin me krizën e rëndë ekonomike:
Të lirohen nga TVSH të gjitha mallrat e konsumit
Të lirohet konsumi i energjisë leektrike nga TVSH-ja
Të rriten pagat aq sa ëhstë norma e inflacionit
Të lejohet tërheqja e 30% të mjeteve nga Trusti./Prishtinapress/