Nga sot, 18 prill, e deri më datë 24 të këtij muaji, Prishtina do të ketë ditët përkujtimore të dëshmorëve të qytetit.
Shoqatat e dala nga Lufta e Ushtrisë Çlirimtare të Kosovës do të organizojnë “Ditët e Krenarisë”, në shenjë nderimi për dëshmorët e kryeqytetit.
Organizimi do të bëhet në bashkëpunim me Komunën e Prishtinës.
Aktivitetet që do të mbahen ditën e sotme, në shënim të kësaj ngjarjeje janë si në vijim:
– Ora 10:00 – Homazhe në varrezat e Dëshmorëve në lagjen Velania;
– Ora 10:30 – Nderim te shtatorja e dëshmorit Zahir Pajaziti;
– Ora 10:35 – Dhurim i gjakut në sheshin Zahir Pajaziti.
Dita do të mbyllet me Akademinë Përkujtimore për dëshmorët, e cila do të mbahet me fillim nga ora 17:00, në Sallën e Kuqe të Pallatit të Rinisë.