Para se të shkojmë të flemë gjumë, shpesh mendimet tona na sillen në kokë, posaçërisht nëse diçka na mundon
Gjëja më e mirë që mund ta bëjnë është të shënojmë çështjen konkrete e cila na shqetëson dhe pastaj të relaksohemi dhe të biem në gjumë.
Pjesa shpirtërore e njerëzve përbëhet nga vetëdija dhe nënvetëdija, por nuk duhet anashkaluar pjesa intuitive, sepse ne marrim informacione nga mjedisi ynë me pesë shqisat, por edhe me të ashtuquajturën shqisa e gjashtë.
Informacionet e marra më vonë në mënyrë të vetëdijshme përpunohen dhe pasojë është njohuria e brendshme, transmeton Telegrafi.
Gjasat për forcimin e intuitës i kemi vazhdimisht, kurdo që për diçka vendosim dhe vetë përcaktojmë a do ta dëgjojmë intuitën apo jo.
1. Dëgjoni zërin tuaj të brendshëm
Me rastin e marrjes së vendimeve të rëndësishme, shpesh shfaqet ndjenja e ankthit dhe nervozizmit. Për të vetëdijesuar zërin tuaj të brendshëm, në vend që të mendoni me nxitim, mësoni të dëgjoni zërin e brendshëm që vjen nga thellësia e brendshme. Ka rëndësi të dini që ai është një zë i qetë i cili shfaqet pa fjalë, më shumë si mendime të cilat dihen në lukth dhe thotë vetëm – “po”, “jo”, “mbase” apo “prit”.
2. Dushi si nxitje
Dushi i mëngjesit apo i mbrëmjes për shumicën e njerëzve është rast i mirë që “të bisedojnë” me vetveten. Atëherë në mendje vijnë ide kreative, të cilave u kontribuon tingulli i ujit që rrjedh nga dushi, izolimi nga bota dhe ndjenja e lirisë derisa jemi lakuriq.
3. Ndani qëndrimet e të tjerëve nga intuita juaj
Të gjithë njerëzit dëgjojnë zërat e brendshëm, më së shpeshti janë ato mendimet të cilat na imponojnë prindërit, partnerët, miqtë… Me rëndësi është të mësoni të dalloni qëndrimet e tyre dhe i ndajnë ato nga intuita e tyre. Intuita jonë nuk do të na bërtasë, nuk do të zgjojë tek ne një ndjenjë faji apo dëshpërimi. Mendimet intuitive i shërbejnë qëllimit të arritjes së paqes së brendshme.
4. Para se të flini, shkruani atë që ju shqetëson
Para se të flemë, ne shpesh kthejmë mendimet tona, veçanërisht nëse diçka na shqetëson. Gjëja më e mirë që mund të bëni është të shkruani pyetjen specifike që po ju shqetëson dhe më pas të relaksoheni dhe të flini. Shpesh, menjëherë pas zgjimit, përgjigja do të imponohet – si gjëja që dëshironi të bëni më shumë.
5. Jini të sinqertë me veten
Kur doni t’i bëni një pyetje intuitës suaj, jini të sinqertë për dëshirat tuaja më të errëta. Gjatë gjithë kohës duke ndjekur intuitën tuaj, shkruani momentet kryesore – kjo do të zbulojë se sa shpesh keni të drejtë. Mësoni se intuita nuk duhet të vijë vetëm në formën e një ndjenje të pakëndshme si një shenjë paralajmëruese, por edhe si entuziazëm kur mendoni për diçka. /Prishtinapress/