Ekipi shqiptar e ka nisur me fitore në turneun BetBoom Playlist Urbanisctic. Në ndeshjen e parë ata u takuan me ekipin ATK me renditje në vendin e 51 –të në botë.
Këtë ndeshje Bad News Eagles e fituan me rezultat të thellë në dy mapa.
Në mapin e parë ‘Mirage’ fituan 16-6 ndërsa në ‘Inferno’ 16-4.
Më i dalluari në këtë ndeshje ishte kapiteni i ekipit shqiptar Dionis ‘sinnopsyy’ Budeci me 40 eliminime dhe vlerësimin nga HLTV 1.77.
Në ndeshjen e radhës sa i përket këtij turneu, Bad News Eagles do të përballen me njërën nga ekipet të cilat kanë rekord 1-0 me ndeshje.