Kompetencat që do t’i ketë Asociacioni/Bashkësia e Komunave me Shumicë Serbe kanë thelluar përplasjen mes presidentit Thaçi dhe kryeministrit Haradinaj, shkruan sot Koha Ditore.
Por kompetencat ekzekutive të Asociacionit/Bashkësisë, burimin e kanë në dy marrëveshjet e Brukselit, të cilat mbajnë vulën edhe të ish-kryeministrit, Hashim Thaçi. Gjykata Kushtetuese pati konstatuar se këto marrëveshje janë në kundërshtim me aktin më të lartë, duke kërkuar që në draftstatut të evitohen shkeljet për të parandaluar një nivel të tretë të pushtetit në Kosovë.
Por zyrtarë të Bashkimit Evropian, që janë ndërmjetës në këtë proces, e kanë bërë të qartë se dokumente bazë për themelimin e këtij mekanizmi do të jenë marrëveshjet e arritura në Bruksel.