Lojtari më i mirë i Superligës së Kosovës për vitin 2017, Florent Hasani ka mbyllur kalimin e tij nga Trepça ’89 te Diosgyor VTK.
Është vetë lojtari që i ka publikuar disa foto nga prezantimit i tij te klubi hungarez.
“Miqtë e mi të nderuar dhe të respektuar nga sot zyrtarisht jam pjesë e Fc Diosgyor VTK në ligën e Hungarisë”.
“Pas një rruge të gjatë dhe me shumë sakrifica , sot erdhi dita që të bëjë një hapë më të madh në karrierë”, ka shkruar Hasani.
Ai tutje ka falënderuar klubin e fëmijërisë FC Vushtrria, ku ka debutuar si 17 vjeç.
Nuk ka harruar edhe Trepça’89 ku ka kaluar dy vite e gjysmë dhe ka arritur shumë suksese si titulli kampion.