Futbollisti nga Mali i Zi, Edvin Kuc që për pesë vite ishte pjesë e Ballkanit tashmë është prezantuar si lojtari më i ri i Neftchi Bakut.
Kuc ishte pjesë e Ballkanit që nga viti 2019, ndërsa me therandasit ka fituar pesë trofe, në mesin e tyre tri herë kampionatin e Kosovës.
Postimi i plotë i Neftchi Bakut:
“Neftchi e ka bërë transferimin e parë. Një kontratë trevjeçarë është nënshkruar me Edvin Kuc, pjesëtar i kombëtares së Malit të Zi”.
“Mesfushori 30-vjeçar ka luajtur tek FK Berane (2012-2013), Deçiçi (2013-2014, 2016-2017), Mladost (2015-2016), Rudar (2017-2019), Viagem Usti nad Labem (2014-2015), Ballkani (2019-2024) dhe Gjilani (2020), luajti shtatë ndeshje me kombëtaren e Malit të Zi dhe shënoi tre gola”.
“Ai ishte fitues i kampionatit të Malit të Zi (2016), kampionatin e Kosovës (2022, 2023, 2024), Kupën (2024) dhe Superkupën (2023)”, thuhej në njoftimin e klubit nga Azerbajxhani.
