Kompania zvicerane e sigurimeve shëndetësore Suva parashikon një rritje të aksidenteve në punë, me rritjen e temperaturave gjatë muajve të verës.
Suva tha të hënën se shtatë për qind më shumë aksidente në punë ndodhin kur temperaturat rriten mbi 30 gradë Celsius. Kjo është veçanërisht e rëndësishme për punët në natyrë, si kantieret e ndërtimit dhe kopshtaria.
Një valë të nxehti po vazhdon të mbajë nën kontroll shumë pjesë të Zvicrës, pavarësisht disa stuhive të forta.
Paralajmërimi vjen pas një studimi që fajësoi ngrohjen globale për 60% të vdekjeve të lidhura me nxehtësinë në Zvicër verën e kaluar. Një studim i udhëhequr nga Universiteti i Bernës tha se kishte tri herë më shumë vdekje të lidhura me ndryshimet klimatike në vitin 2022 sesa mesatarja e viteve 2009-2017.
Sindikata Unia ka kërkuar rregulla që i bëjnë punëdhënësit përgjegjës për shëndetin e punëtorëve gjatë valëve ekstreme të të nxehtit.
Unia kërkon pushime të detyrueshme 10 minuta çdo dy orë kur temperaturat kalojnë 30 gradë Celsius.
Vendet e ndërtimit që nuk marrin masa paraprake për punëtorët e tyre duhet të mbyllen, shtoi sindikata, përcjell tutje albinfo.ch.