Një zjarr i madh është raportuar në Veternik të Prishtinës dhe Brigada e Zjarrëfikësve të Prishtinës po mundohen që ta lokalizojnë atë.
Kjo u bë e ditur përmes një postimi në Facebook, nga Komuna e Prishtinës të cilët u bëjnë thirrje qytetarëve që të mos i djegin hamulloret ose në ndonjë mënyrë tjetër ta ndezin një zjarr.
“Zjarr i ndezur në Veternik të Kryeqytetit, të cilin po mundohen ta shuajnë Brigada e Zjarrfikësve të Prishtinës.
Të nderuar qytetarë,
Ju lutemi të keni kujdes, mos i digjni hamulloret,
mos ndezni zjarr në fusha, mos e hedhni cigaren e ndezur në tokë.
Nëse nuk kujdeseni do të shkaktoni zjarre me pasoja të mëdha!
Zjarrvënia e tillë cilësohet vepër penale, do të përgjigjeni para drejtësisë!” thuhet në njoftimin e Komunës.
