Një furgon që nga Kosova po kalonte kufirin për në Serbi është zënë nga autoritetet serbe me 47 kilogramë marihuanë të fshehura në brendi.
Siç njofton drejtoria doganore e Serbisë furgoni ishte i bardhë dhe për destinacion final kishte Gjermaninë.
Po ashtu, njoftohet se vozitësi është i nacionaliteti serb, njofton Klan Kosova.
Edhe javën e kaluar në pikën kufitare në Merdare janë zënë gjashtë kilogramë marihuanë me një veturë që nga Brezovica po shkonte në Beograd.