Zëvendësministri i Punëve të Jashtme i Republikës së Kosoves, Besnik Hoti, ka pritur në takim zëvendësministrin e Ministrisë së Tregtisë dhe Industrisë, Faton Thaçi i cili ishte bashkë me shefin e AKS-së, Hafiz Gara.
Temë e diskutimit ishin proceset e përbashkëta dhe koordinimi ndërinstitucional në anëtarësimin e Republikës së Kosovës në organizata ndërkombëtare me karakter ekonomik.
Hoti ishte i shoqëruar edhe nga drejtoresha e Departamentit për Organizata Ndërkombëtare në Ministrinë e Punëve të Jashtme, ambasadoren Ariana Zherka Hoxha.
