13.9 C
Pristina
Thursday, April 3, 2025

Buy now

spot_img

‘Zënkat’ për LDK-në, deklarohet Shkëmb Manaj: Dështuan tentativat që përmes meje të goditej lidershipi i partisë

Zyrtari i Lidhjes Demokratike të Kosovës, Shkëmb Manaj ka reaguar pas publikimit të disa komunikimeve mes kryesisë së kësaj partie politike.

Manaj në një shkrim ën Facebook, ka sqaruar se pozita e tij si nënkryetar i Prishtinës nuk ka lidhje me procesin zgjedhor. 

“Si rrjedhojë e të gjitha këtyre dhe qëndrimit tim parimorë, unë këto ditë kam qenë pre e plotë goditjeve të orekstruara të brendshme dhe të jashtme. Por, unë jam këtu për të qëndruar ashtu siç e kam edhe emrin, Shkëmb! Thanë se me është mbyllur goja për pozicionin e nënkryetarit të Kryeqytetit. Ju them, se asnjë lidhje ky pozicion nuk e ka me këtë proces dhe për këtë janë në dijeni udhëheqësia e LDK-së dhe Kryetari i Kryeqytetit. Me është kërkuar nga ta që marr këtë përgjegjësi për shkak të angazhimit tim tash e mbi tri vite në Kryeqytet, me qëllim të ruajtjës së vazhdimësisë të proceseve, tash në fund të këtij mandati të parë qeverisës në Prishtinë. Ata që me njohin, e dijnë fare mirë se unë nuk bëjë pazare në politikë, prandaj asnjëherë askush nuk ka mundur dhe nuk mundet të ma mbyll gojën mua!” – ka thënë ai.

Tutje, Manaj ka shtuar se ata që deshën ta godasin LDK-në përmes tij, kanë dështuar. 

“Tash jam shumë i qetë dhe jam shumë i lumtur që ata që kanë menduar dhe kanë dashur ta godasin LDK-në dhe lidershipin e saj përmes meje, kanë dështuar. Unë jam aq i pjekur politikisht, që ta kuptoj fare lehtë këtë pozicion. Prandaj, dezinformojnë. Por, unë nuk ju kam faj atyre që ju ka humbur rruga në oborr!”.

Në fund, ai ka thënë se LDK ka nevojë për reforma përmbajtësore e unitet.

“LDK ka nevoj për reforma përmbajtësore dhe për unitet funksional. LDK është me e madhe se secili prej nesh! Unë jam këtu, pavarësisht sfidave, sepse asnjëherë nuk kam pasur dhe nuk kam shtëpi tjetër politike përveç Lidhjes Demokratike të Kosovës!”.

Artikuj të ngjashëm

- Marketing -spot_img
- Marketing -spot_img

Artikujt e fundit

- Marketing -spot_img