Deputeti i Lidhjes Demokratike të Kosovës, Armend Zemaj, ka reaguar pasi që kryeministri, Albin Kurti dhe ministri i Shëndetësisë, Arben Vitia, kanë bërë përurimin e QKMF-së në Mamushë.
Zemaj përmes një postimi në Facebook, ka thënë se kjo për një propagandë, pasi që sipas tij kjo QKMF, ka nisur gjatë qeverisjes sa ishte vet Zemaj ministër i Shëndetësisë.
“Të paaftë, të dobët, mashtrues…Sepse për 4 vite s’kanë realizuar asgjë, e disi duhet bërë propagandë!” – ka shkruar Zemaj.
Postimi i plotë:
JU JENI DEFINICIONI I PROPAGANDËS!
Sot, kryeministri Kurti e ministri Vitia u krenuan me përurimin e QKMF-së në Mamushë, projekt ky i nënshkruar dhe nisur gjatë qeverisjes sime si ministër i Shëndetësisë.
Pra, thënë shkurt e qartë këta dalin në fotografi duke prerë shirita, për punët të cilat janë bërë nga unë si ministër, e mjetet të cilat i kemi siguruar ne si Qeveri gjatë vitit 2021. Dhe pa asnjë etikë e moral, GËNJEJNË!
Të paaftë, të dobët, mashtrues…
Sepse për 4 vite s’kanë realizuar asgjë, e disi duhet bërë propagandë!
Shëndetësinë e keni fundosur!
9 shkurti, do t’ua tregojë vendin!
