Presidenti i Ukrainës, Volodymir Zelensky, ka uruar besimtarët muslimanë me rastin e fillimit të muajit të shenjtë të Ramazanit, duke shpresuar që Ramazani i ardhshëm të gjejë Ukrainën në paqe dhe të lirë nga Rusia.
“Le të na ndihmojë fuqia e lutjes në këtë muaj të shenjtë të Ramazanit të pastrojmë Ukrainën nga rusët e këqij të pafe, nga ata që me të vërtetë nuk besojnë në asgjë, dhe kjo është arsyeja pse ata janë të aftë për një terror të tillë. Ramazani i ardhshëm le të fillojë në paqe dhe në të gjithë tokën ukrainase të lirë nga Rusia”, ka shkruar Zelensky në Twitter, duke postuar një video.
