Presidenti i Ukrainës, Volodymyr Zelenskiy, ishte i pakursyer në kritikat e tij ndaj homologut të tij rus, Vladimir Putin. Zelenskiy tha se Putin ishte një “person i izoluar nga ana informative” që kishte “humbur gjithçka” gjatë vitit të fundit të luftës.
“Ai nuk ka aleatë”, tha Zelenskiy, duke shtuar se e kishte të qartë se as Kina nuk ishte më e gatshme të mbështeste Rusinë. Presidenti Xi Jinping ka marrë pjesë së fundmi në një vizitë shtetërore në Moskë dhe i bëri një ftesë Putinit për të vizituar Pekinin.
Zelenskiy sugjeroi se njoftimi i Putinit menjëherë pas vizitës së Xi se ai do të zhvendoste armët taktike bërthamore në Bjellorusi, më afër territorit të NATO-s, kishte për qëllim të shmangej nga fakti se vizita e liderit kinez nuk shkoi mirë.
Putin tha se masa ishte në kundërshtim me vendimin e Britanisë për të ofruar më shumë municion të uraniumit të varfëruar në Ukrainë. Bjellorusia e ka cilësuar këtë veprim si një përgjigje ndaj agresionit të NATO-s në kufijtë e saj.
Pavarësisht provokimeve bërthamore të Putinit dhe disa retorikave të ashpra që kanë ardhur nga aleatët e tij si Dmitry Medvedev, Zelenskiy i tha AP se nuk beson se lideri rus është i përgatitur të përdorë bombën./PrishtinaPress/
