Zëdhënësja e EULEX, Joanna Lachana sot ka folur lidhur me situatën e tensionuar mes Serbisë dhe Kosovës.
Lachana bëri të ditur se EULEX-i vazhdon të jetë vigjilent dhe se janë duke monitoruar nga afër të gjitha zhvillimet që mund të ndikojnë në sigurinë e Kosovës dhe të gjithë njerëzve atje.
“Situata e sigurisë në veri është e qetë, por e tensionuar. Njësia jonë policore e specializuar, e cila përbëhet nga 1058 policë kryen kalkulimet e përditshme në veri të Kosovës që ta kemi një pasqyrë të qartë të situatës. Si reaguesi i dytë i sigurisë në Kosovë, ne gjithashtu kemi koordinim të ngushtë me Policinë e Kosovës dhe me KFOR-in.”, ka thënë fillimisht ajo për ABC News.
Lachana më tej, bëri të ditur se nëse kërkohet nga Policia e Kosovës, EULEX është i gatshëm të veprojë si reagues i dytë i sigurisë për të ndihmuar në uljen e tensioneve dhe mbrojtjen e të gjithëve nga çdo lloj kërcënim, pa marrë parasysh përkatësinë etnike, moshën apo gjininë.