Mbrëmë shumë qytetarë kanë shprehur shqetësimin për një zhurmë të çuditshme që e kanë dëgjuar në mesnatë. Shkaktar i kësaj zhurme, ka qenë një prishje në njësinë A4 të KEK-ut.
Zëdhënësi i KEK-ut, Skënder Bucolli, ka thënë se kjo zhurmë nuk është diçka për t’u shqetësuar.
Bucolli tha se zhurmën ka ndodhur për shkak të shkyçjes së njësisë A4 nga rrjeti për shkak të lidhjës së shkurtë e stabilimentit të KOSTT-it.“S’ka diçka për t’u shqetësuar. Mbrëmë rreth orës 23:55 për shkak të lidhjes së shkurt të stabilimentit të KOSTT-it, njësia A4 është shkyç nga rrjeti dhe si pasojë janë krijuar disa zhurma, në intervale sekondash. Këso raste kanë ndodhur edhe më herët. Aktualisht edhe njësitë e ekspertëve të KOSTT-it e KEK-ut duke punu për ta eliminuar atë defekt dhe me kthy në funksion”.