Xhuliana Nura, personaliteti i njohur në skenën shqiptare, ka zbuluar detaje mbi marrëdhënien e saj me Fifin dhe përshtypjet e saj rreth kompeticionit të kërcimit “Dancing With The Stars” gjatë një interviste të së fundmi në emisionin “Artistët Shqiptarë”.
E ftuar në këtë emision, Xhuliana ka rrëfyer pa rezerva për raportet dhe ndjenjat e saj ndaj konkursit dhe marrëdhënieve me këngëtaren e njohur.
Duke u shprehur për eksperiencën e saj si pjesëmarrëse në DWTS dhe preferencat personale, Xhuli nuk ka nguruar të theksojë se Enxhi dhe Fifi janë dy prej konkurrentëve të cilët i ka në zemër.
Ajo nuk ka hezituar gjithashtu të tregojë për miqësinë e saj me Fifin: : “Çdo kompeticion, ku është një trofe, aty më nuk e sheh a ke shoqe a jo, mendoj prej disa njerëzve të tjerë, kurse unë mendoj që akoma e kam shoqe, dhe dua ta kem shoqe, e meriton sepse është me plot kuptimin artiste.
Gjatë intervistës, Xhuliana gjithashtu u pyet lidhur me një reagim të fundit të Fifit në rrjetet sociale, i cili ka tërhequr vëmendjen e publikut për një nuancë negativiteti.
E kujdesshme në fjalët e saj, Xhuli zgjodhi të mos zgjerohet shumë në këtë temë, duke u shprehur: “Po ka reaguar pak negativisht, por ajo shërohet më vonë, kështu që të mos e përmendim këtë gjë.”
