Arsenali nuk ka arritur më shumë se një barazim 2-2 në udhëtim te Sporting Lisbona në kuadër të ndeshjes së parë të 1/8 së finales në Ligën e Evropës.
Lideri aktual i Ligës Premier konsiderohet si një nga skuadrat favorite për ta fituar këtë trofe, teksa i shpëtuan humbjes falë një autogoli që u realizua nga vendasit pas goditjes së Granit Xhakës.
Mesfushori kosovar me pasaportë zvicerane ka folur për këtë sfidë, duke thënë se është gjithmonë vështirë të luash ndaj skuadrave portugeze.
“Është gjithmonë e vështirë të luash kundër ekipeve portugeze. Ato janë shumë të disiplinuara dhe kanë lojtarë me nivel të mirë teknik”.
“Por ne duhet ta pranojmë barazimin 2-2 dhe ta sigurojmë kualifikimin në Londër”, tha Xhaka.
Xhaka ka kritikuar edhe bashkëlojtarët e tij, duke thënë se nuk lejohet të bëjnë gabime të tilla, pasi kanë pranuar dy gola të lehtë.
“Ne e nisëm lojën mirë, por pësuam lehtësisht dy gola, që për një ndeshje të këtij niveli janë shumë. Kjo nuk mund të ndodhë”.
“Në pjesën e dytë kishim kontrollin e lojës, mund të kishim fituar, por gjithashtu është të humbisnim, prandaj duhet ta pranojmë rezultatin”, shpreh Xhaka.
