SHBA-ja do të vendosë në dispozicion të NATO-s kapacitetet e saj të mbrojtjes kibernetike për ta ndihmuar që të përgatitet më mirë ndaj sulmeve informatike me prejardhje nga Rusia, sipas burimesh pranë Aleancës së Atlantikut.
Kjo ofertë shërbimesh pritet të zyrtarizohet të enjten në Bruksel, me rastin e një mbledhje të ministrave të Mbrojtjes së NATO-s.
Sot, në selinë e NATO-s, shefi i saj Jens Stoltenberg theksoi se “sulmet kibernetike kundër aleatëve po bëhen gjithnjë dhe më të shpeshta, më të sofistikuara dhe se çdo kontribut në çështjet e kapaciteteve kibernetike është e mirëpritur”.
