Presidenti i Serbisë, Aleksandar Vuçiq ka mohuar të dielën deklaratat e SHBA-së dhe të tjerave për një ngritje ushtarake përgjatë kufirit me Kosovën, duke u ankuar për një “fushatë gënjeshtrash” kundër vendit të tij pas shkëmbimit të zjarrit një javë më parë, ku u vra një zytar policor dhe tre sulmues serbë, duke nxitur tensionet në Ballkanin e paqëndrueshëm.
Si Shtetet e Bashkuara ashtu edhe Bashkimi Evropian shprehën shqetësim në fillim të kësaj jave për atë që ata thanë se ishte një vendosje e shtuar ushtarake nga kufiri i Serbisë me Kosovën dhe i kërkuan Beogradit të zvogëlojë praninë e trupave atje, shkruan Associated Press, transmeton Klankosova.tv.
Qeveria e Kosovës tha të shtunën se po monitoronte lëvizjet e ushtrisë serbe nga “tre drejtime të ndryshme”. Ajo i kërkoi Serbisë që të tërhiqte menjëherë trupat e saj dhe të çmilitarizonte zonën kufitare.
“Një fushatë gënjeshtrash është nisur kundër Serbisë tonë”, është përgjigjur presidenti Aleksandar Vuçiq në një video postim në Instagram.
“Ata kanë gënjyer shumë për praninë e forcave tona ushtarake… Në fakt, ata janë të shqetësuar që Serbia ka atë që ata e përshkruajnë si armë të sofistikuara”.
Kosova ka thënë gjithashtu se po hetonte përfshirjen e mundshme ruse në dhunë. Serbia është aleati kryesor i Rusisë në Evropë dhe Perëndimi ka frikë se Moska mund të përpiqet të ngrehë telashe në Ballkan për të shmangur vëmendjen nga lufta në Ukrainë.
John Kirby, zëdhënës i Këshillit të Sigurisë Kombëtare të Shtëpisë së Bardhë, tha të premten se zyrtarët amerikanë po monitoronin një dislokim të madh të trupave serbe përgjatë kufirit me Kosovën, duke e përshkruar atë si një “inskenim të paprecedentë të artilerisë, tankeve dhe njësive të mekanizuara të këmbësorisë serbe”.
Vuçiq disa herë gjatë muajve të fundit ka ngritur nivelin e gatishmërisë luftarake të trupave serbe në kufirin me Kosovën. Serbia gjithashtu ka përforcuar trupat e saj me armë dhe pajisje të tjera të blera kryesisht nga Rusia dhe Kina.
Nga frika e një destabiliteti më të gjerë ndërsa lufta në Ukrainë po shpërthen, Uashingtoni dhe Brukseli kanë kërkuar të negociojnë një normalizim të marrëdhënieve midis Serbisë dhe Kosovës, por të dy palët nuk kanë arritur të zbatojnë një marrëveshje që u arrit së fundmi si pjesë e një dialogu të ndërmjetësuar nga BE.
