Presidenti serb Aleksander Vuçiq ka uruar sot Jakov Milatoviq për zgjedhjen e tij si president i ri i Malit të Zi, njoftoi zyra e presidentit.
“Ju përgëzoj për fitorën tuaj ne zgjedhjet presidenciale, me bindjen se do të tregoni një vullnet të fortë për të ju ofruar qytetarëve të Malit të Zi një jetë në paqe dhe përparim”, thuhet në mesazhin e tij.
Sipas raportimeve, Vuçiq i tha Milatoviqit se në Serbi do të ketë gjithmonë një partner të besueshëm në zhvillimin e dialogut politik dhe forcimin e bashkëpunimit ekonomik mes dy vendeve, si dhe një mbështetje solide për një Ballkan paqësor dhe stabil./PrishtinaPress/
