Presidenti i Francës, Emmanuel Macron, e ka pritur në Pallatin Elysee, presidentin e Serbisë, Aleksandar Vuçiq.
Pas takimit, Vuçiq në konferencën për media ka treguar se me presidentin e Francës, Emmanuel Macron ka folur edhe për çështjen e targave.
Vuçiq ka thënë se ka marrë me vete dokumente të cilat ia ka treguar presidentit të Francës.
“Ia kam treguar ato Macronit. Ja president, ja ku i ke. A thuhet KS apo RKS. Unë vetëm këtë po kërkoj, por ata s’duan që ta realizojnë sepse e kanë anuluar në mënyrë të njëanshme në vitin 2020. Ne vetëm këtë po e kërkojmë, atë çfarë është e shkruar. Asgjë më shumë”, ka thënë Vuçiq, shkruan RTS.