“Nuk kemi ku të shkojmë, jemi në qoshe. Sido që të jetë, mesazhi ynë për popullin e Kosovës është se nuk do të ketë kolona refugjatësh, do ta shpëtojmë popullin tonë nga pogromet dhe persekutimet”, tha presidenti i Serbisë, Aleksandar Vuçiq, pas një takimi me përfaqësuesit e serbëve nga Kosova, që filloi sot rreth orës 11:00.
Ai në një konferencë për media shtoi se propozimi i delegacionit serb ishte vendosja e shenjave neutrale ndaj statusit.
“Ata u hodhën si të përvëluar, hodhën poshtë gjithçka”, tha Vuçiq.
Ai po ashtu ka theksuar se shpreson që në dhjetë ditët e ardhshme të arrijnë një zgjidhje të pranueshme.
“Që nga viti 1999, kur me Marrëveshjen e Kumanovës dhe me Rezolutën 1244 u dëbuan forcat e sigurisë nga Kosova dhe Metohia, është bërë terror ndaj popullatës serbe, dhe kjo ka rezultuar në persekutimin e më shumë se 200 mijë njerëzve dhe banesat dhe shtëpitë e tyre të grabitura, shumë prej tyre janë vrarë”, shtoi ai, raporton Danas, transmeton Paparaci.
Ai shtoi se që atëherë ka pasur një luftë të vështirë dhe të mundimshme për mbijetesën e popullit serb në Kosovë.
“Tani janë të vendosur që serbët t’i dëbojnë nga veriu i Kosovës si pika e fundit”, tha Vuçiq dhe theksoi se delegacioni nga Beogradi kishte katër detyra.
“Së pari, për të garantuar paqen, stabilitetin dhe sigurinë, së dyti, ne erdhëm me idenë për të arritur një kompromis. Sado të vegjël apo të mëdhenj të jemi, duhet të kujdesemi për veten, por edhe për forcën e të tjerëve. Tre, të shqetësoheni se si do të duket në të gjitha pjesët e botës. Nën katër, për të siguruar mbijetesën e popullit tonë në Kosovë”, vijoi Vuçiq.
