Kryeministri serb, Aleksandar Vuçiq ka thënë sot se në vazhdimin e dialogut mes Prishtinës dhe Beogradit nesër në Bruksel, pret të kenë diskutime të matura dhe sipas tij të gjithë do ta kuptojnë se stabilizimi i Ballkanit Perëndimor është një parakusht kyç për përparim.
Ai gjatë hapjes së Forumit të bizneseve serbo-greke në Beograd, tha se shpreson edhe që pala tjetër në dialog do ta kuptojë rëndësinë e ruajtjes së paqes.
Ai ka folur edhe për armatosjen e ushtrisë serbe, ku sipas Vuçiqit Serbia pas modernizimit të ushtrisë do të jetë e fortë, por kjo nuk do të thotë se do të kenë aspirata ekspansioniste ndaj vendeve tjera, ndërsa ka shtuar se nuk mendon për futjen e shërbimit të detyrueshëm ushtarak.
