Presidenti i Serbisë, Aleksandër Vuçiq, ka shpërndarë një video nga shkuarja dhe takimet që ai pati në Granada të Spanjës dje e sot. Në shpjegimin e videos ai tregon se gjatë takimeve dhe takimeve të shumta bilaterale me liderët evropianë në samitin e Komunitetit Politik Evropian në Granada, ka shpjeguar qëndrimin e Serbisë për çështjen e Kosovës dhe se do të vazhdojë ta bëjë këtë.
Vuçiq ka deklaruar në llogarinë e tij në Instagram se do të vazhdojë luftën për Serbinë me të gjitha forcat dhe ka shprehur shpresën se do t’ia dalë.
“Gjatë takimeve të shumta dhe takimeve bilaterale me liderët evropianë, kam diskutuar për situatën në Kosovë, por edhe për shumë tema të tjera. Puna ime është të shpjegoj qëndrimet e Serbisë, gjë që do të vazhdoj ta bëj. Ne do të luftojmë për vendin tonë me të gjitha forcat dhe shpresoj se do të kemi sukses në këtë”, tha Vuçiq.
Vuçiq mbrëmë në Granada u takua me presidentin francez Emmanuel Macron, ndërsa më parë me kryeministrin e Gjeorgjisë Irakli Garibashvili, presidentin e Malit të Zi Jakov Milatoviq, kryeministren e Islandës Kastrin Jakobsdottir, kryeministrin e Italisë Djordje Meloni.