Presidenti i Serbisë, Aleksandar Vuçiq, ka njoftuar në Instagram se ka folur me ambasadorin rus në Beograd, Aleksandar Bocan-Kharchenko, për synimin e Beogradit për të vazhduar ruajtjen e marrëdhënieve harmonike me Moskën.
“Një takim konstruktiv me ambasadoren Bocan-Harchenko, me të cilin diskutova të gjitha çështjet aktuale rajonale dhe globale. Ne diskutuam gjithashtu një gamë të gjerë temash dypalëshe”, tha Vuçiq.
Kujtojmë se presidenti serb Aleksandar Vuçiq ka zhvilluar një sërë takimesh së fundmi në Athinë gjatë samitit BE-Ballkani Perëndimor.
Edhe pse ka përgatitur terrenin për historinë e “presioneve të paprecedentë”, në takim nuk ka pasur një gjë të tillë, por, sipas burimeve të Nova-s, Vuçiqit i është kërkuar vetëm të dëshmojë përkushtimin e Serbisë në rrugën evropiane.
Gjatë qëndrimit në kryeqytetin e Greqisë, Vuçiq u takua me presidentin e Ukrainës, Volodymyr Zelenskyi dhe nënshkroi Deklaratën së bashku me pjesëmarrësit e tjerë të samitit.
Presidenti serb Aleksandar Vuçiq, duke iniciuar Deklaratën e Përbashkët, pranoi se të gjithë ata që janë përgjegjës për krimet e luftës në Ukrainë duhet të ndiqen penalisht, që është një rrugë që të çon në mënyrë të pashmangshme te presidenti rus Vladimir Putin.
Kjo do të thotë se Serbia do të jetë pjesë e një koalicioni të vendeve që bien dakord të nxjerrin para drejtësisë përgjegjësit për luftën në Ukrainë. Veç kësaj, Vuçiq pranoi pikën ku po forcohet BE-ja dhe ku Ballkani Perëndimor i përket kësaj organizate. Vuçiq gjithashtu nënshkroi konkluzionin se Ukraina është e tërë dhe sovrane.
