Qeveria e Mozambikut ka njoftuar se forcat e saj të armatosura kanë vrarë liderin e një grupi xhihadist të lidhur me Shtetin Islamik, i cili po luftonte në veri të vendit.
Ministria e Mbrojtjes tha se Bonomade Machude Omar, i njohur gjithashtu si Ibn Omar , kishte udhëhequr kryengritësit që nga fillimi i konfliktit në 2017, shkruan BBC, transmeton PrishtinaPress.
Në deklaratë thuhet se ai u vra së bashku me dy anëtarë të tjerë të lartë.
Dy vjet më parë, Departamenti Amerikan i Shtetit e caktoi Omarin si një udhëheqës terrorist, duke e fajësuar atë për sulmet në provincën Cabo Delgado, duke përfshirë vrasjen e dhjetëra njerëzve në një hotel në Palma.
