Katër fëmijë janë vrarë dhe katër të tjerë janë plagosur në një sulm me sëpatë në një çerdhe në qytetin jugor të Brazilit, Blumenau.
Sipas policisë lokale raportohet se viktimat – tre djem dhe një vajzë – ishin të moshës ndërmjet pesë dhe shtatë vjeç.
Jorginho Mello, guvernatori i shtetit të Santa Catarina, ka thënë në Twitter se një i dyshuar mashkull është arrestuar.
Ndërkohë, një oficer policie ka thënë për CNN Brazil se i dyshuari, i moshës 25 vjeç, mendohet se ka kërcyer mbi një mur në sheshin e lojërave të çerdhes Cantinho Bom Pastor, përpara se të sulmonte fëmijët.
Ai ishte larguar pasi mësuesit u kanë dalë në mbrojtje fëmijëve dhe më vonë ishte kthyer në polici.
Guvernatori Mello si dhe presidenti Brazilian Luiz Inacio Lula da Silva kanë shprehur ngushëllimet e tyre për familjet.
“Nuk ka dhimbje më të madhe se ajo e një familjeje që humbet fëmijët apo nipërit e saj, aq më tepër në një akt dhune ndaj fëmijëve të pafajshëm dhe të pambrojtur,”– ka shkruar Lula në Twitter/PrishtinaPress/
