Një sulmues i armatosur ka vrarë katër persona dhe shumë tjerë i ka plagosur brenda ndërtesës së spitalit në Tulsa të Oklahomas.
Zyrtarët policorë akoma nuk kanë zbuluar identitetin e sulmuesit, transmeton Telegrafi.
“Besojmë se askush më nuk është në rrezik dhe se sulmuesi nuk ka pasur për qëllim t’i qëllojë të gjithë në ndërtesës, por vetëm ata në katin e dytë ku u krye masakra”, tha një zyrtar policor për CNN.
Në anën tjetër, zëvendës-sherifi i Tulsas, ka konfirmuar se katër persona janë vrarë në një sulm dhe se sulmuesi sipas tij mund të ketë kryer vetëvrasje.
Sulmuesi ka qenë i armatosur me pushkë dhe revole, e siç raporton CNN sipas të dhënave të një organizate joqeveritare, në SHBA brenda një viti janë regjistruar 233 vrasje masive – përfshirë këtë në Tulsa.
