Seanca gjyqësore për vleftësimin e ndalimit dhe caktimin e masës së sigurisë për Sokol Mjacaj dhe zyrtarët e IEVP Peqin, do të zhvillohet të martën në orën 10:00 në Gjykatën e Elbasanit.
Mjacaj ekzekutoi me armë zjarri Arben Lleshin, të Premten e shkuar, ndërsa i plagosur mbeti dhe shoku i qelisë së Lleshit, Indrit Shaqja.
Thuhet se vrasja ka të bëjë me një porositje nga jashtë në formë gjakmarrjeje, Mjacaj e ka mohuar para hetuesve, duke mos përmendur asnjë emër tjetër.
Megjithatë bazuar në këto dyshime policia ka ushtruar kontroll në banesën e vëllait të Mjacaj me qëllim sekuestrimin e ndonjë materiali të vlefshëm për hetimin.
Në pranga kanë përfunduar dhe 12 zyrtarë të burgut të Peqinit, mes tyre dhe drejtori i komanduar Kamber Hoxha.
