Policia në Nevada ka konfirmuar se kanë dhënë një urdhër kërkimi këtë javë në lidhje me vrasjen e pazbardhur të reperit Tupac Shakur.
Detektivët kryen kontrollin në një shtëpi në Henderson, një periferi të Las Vegas, ku Shakur u qëllua për vdekje në shtator të vitit 1996, shkruan BBC.
Policia Metropolitane e Las Vegas nuk dha detaje të mëtejshme të kërkimit, duke përmendur hetimin në vazhdim për vrasjen e tij.
Shakur ishte 25 vjeç kur u vra.
Deri më tani nuk ka asnjë të arrestuar e as të dyshuar lidhur me vrasjen e tij.
Shtëpia që u kontrollua është më pak se 32 km nga brezi i Las Vegasit ku Shakur u qëllua me të shtëna me makinë.
“LVMPD mund të konfirmojë se një urdhër kërkimi është dorëzuar në Henderson, Nevada më 17 korrik 2023, si pjesë e hetimit të vazhdueshëm të vrasjes së Tupac Shakur”, thuhet në një deklaratë të policisë së Las Vegas.
“Nuk do të kemi asnjë koment të mëtejshëm tani për tani”.
Nënkoloneli i policisë së Las Vegasit Jason Johansson i tha Las Vegas Review Journal se detektivët po punonin edhe një herë për zbardhjen e këtij rasti.
