Mbrëmë në orët e vona u raportua për vrasjen aksidentale të policit Lirim Haxholli në fshatin Zllatar të Prishtinës.
Për vrasjen aksidentale të tij janë suspenduar 15 zyrtarë policorë. Prej tyre, 1 polic është i dyshuar për vrasjen, 5 policë janë të dyshuar për shkaktim të rrezikut të përgjithshëm dhe përdorim të armës, si dhe 9 policë të tjerë për fshehjen e veprës penale, raporton Demokracia.com.
Polici i dyshuar për vrasjen dhe 5 policët e dyshuar për shkaktim të rrezikut të përgjithshëm, aktualisht janë në paraburgim. Ndërsa, 9 policët e tjerë të suspenduar për fshehjen e veprës penale aktualisht janë duke dhënë deklarata lidhur me tragjedinë në Zllatar, ku humbi jetën polici i ri Lirim Haxholli.
Demokracia.com mëson emrat e 15 policëve të suspenduar, të cilët ishin pjesë e ndejës në Zllatar, ku kishte gjuajtje festive me armë zjarri:
- Fatlum Mehmeti
- Xhafer Berisha
- Gëzim Tahiri
- Adis Berisha
- Elit Thaqi
- Artan Morina
- Bleart Misiri
- Ilir Salihu
- Arjan Menxhiqi
- Rron Aliu
- Astrit Zaberrgja
- Enis Imeri
- Valdet Rrahimi
- Florent Ahmeti
- Ali Ahmetaj.
Lidhur me vrasjen e policit Lirim Haxholli, në qendër të mbajtjes për 48 orë është dërguar polici Fatlum Mehmeti.
Ndërsa, për veprat penale “Shkaktim i rrezikut të përgjithshëm dhe Përdorim i armës apo mjetit ët rrezikshëm”, në qendër të mbajtjes për 48 orë janë dërguar Gëzim Tahiri, Florent Ahmeti, Enis Imeri, Elit Thaqi dhe Bleart Misiri.
