Demarkacioni ende mbetet tema kryesore aktuale në vend, kurse edhe gjysmë ore pritet të fillojë seanca e paralajmëruar për votimin e kësaj Marrëveshjeje.
Përderisa ratifikimin e kësaj Marrëveshjeje në mes të Kosovës dhe Malit të Zi disa (falë deklarimit të ndërkombëtarëve) po e shohin si mundësi për liberalizimin më të shpejtë të vizave, disa po e shohin si “falje territori dhe thirrje për gjakderdhje”.
Alban Krasniqi, bashkëshorti i deputetes nga VV-ja, Albulena Haxhiu, ka thënë që “Këmbëngulja për falje territori është thirrje për gjakderdhje”.
Krasniqi dhe Haxhiu në ndarjen e fundit në Vetëvendosje janë rreshtuar në përkrahje të kryetarit Albin Kurti.
Kujtojmë që seanca e sotme është thirrur pasi seanca e paraparë për dje dështoi pas disa orësh pritjeje.
