Presidentja e Komisionit Evropian, Ursula von der Leyen ka mbërritur në Maqedoninë e Veriut.
Ajo është pritur nga kryeministri I Maqedonisë së Veriut, Hristijan Mickoski.
“Mirëmëngjes Maqedonia e Veriut. Jam këtu për t’iu thënë: ju jeni me ne në BE. Pra, le të përqëndrohemi në qëllimin tonë të afërt. Të hapet sa më shpejt grupi i “themeleve”, ka shkruar Von der Leyen.
Para Maqedonisë së Veriut, Von der Leyen qëndroi dy ditë në Tiranë, ndërkaq të shtunën pritet të arrijë në Prishtinë për takime të ndara me presidenten Vjosa Osmani dhe kryeministrin Albin Kurti.