Arabia Saudite po heq kufizimet e vendosura në pelegrinazhin e haxhit mysliman këtë vit, pasi pandemia e koronavirusit detyroi një pezullim të ngjarjes vjetore për tre vjet.
“Ministri përgjegjës për Haxhin, Tawfiq al-Rabiah, njoftoi dje në mbrëmje se numri i pelegrinëve do të kthehet në shifrat e parapandemisë me kufizime, përfshirë kufizimet e moshës”, sipas agjencisë zyrtare të shtypit saudit.
Përpara pandemisë, rreth 2.5 milionë myslimanë nga e gjithë bota zakonisht mblidheshin çdo vit për Haxhin, kongregacionin më i madh i Islamit, në qytetin e shenjtë të Mekës.
Në vitin 2020, vetëm disa mijëra banorë në mbretëri e kryen haxhin sipas masave të rrepta të distancimit shoqëror dhe në vitin 2021 morën pjesë rreth 60 000 banorë.
Vitin e kaluar, rreth 1 milion pjesëmarrës e kryen Haxhin, pasi ai u hap sërish për myslimanët jashtë vendit.
Megjithatë, kufizimet e pandemisë nënkuptonin një kufi të moshës deri në 65 vjeç.
Haxhi, një nga pesë shtyllat e Islamit, është një detyrë e detyrueshme për të gjithë muslimanët një herë në jetë, nëse ata kanë burime të mjaftueshme financiare dhe janë fizikisht të aftë për të ndërmarrë udhëtimin.
Ai zhvillohet çdo vit nga dita e tetë deri në ditën e 12-të të Dhul-Hixhes, muaji i fundit i kalendarit hënor islamik./Prishtinapress/
