Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, i shoqëruar nga ministrja e Ministrisë së Arsimit, Shkencës, Teknologjisë dhe Inovacionit, Arbërie Nagavci, të hënën do të vizitojnë Luginën e Preshevës.
Vizita e tyre vjen në një kohë kur kryeministrja e Serbisë, Ana Bërnabiq do ta vizitojë Kosovën.
Zyrtarë të Luginës së Preshevës i kanë bërë thirrje kryeministrit Albin Kurti që ta vizitojë Luginën e Preshevës. Por këtë do ta bëjë zëdhënësi i tij.
Tashmë është publikuar edhe agjenda e vizitës së Bsilimit dhe Nagavcit.
Agjenda e plotë
10:30 – Takim me Këshillin Kombëtar Shqiptar
11:15 – Takim me Deputetin z. Shaip Kamberi
12:00 – Takim me krerët e Komunës së Bujanocit
12:45 – Vizitë në Shkollën Fillore ‘’Muharrem Kadriu’’ – Tërnoc
14:50 – Vizitë në Shkollën Fillore ‘’Ibrahim Kelmendi’’ – Preshevë
15:00 – Drekë Pune me liderët politik të Preshevës
17:30 – Takim me Shoqata, Biznese dhe Personalitete të Shquara – Hotel Rozafa Bujanoc