Vishuni sa më trashë nesër, mund t’iu zë bora

Vendi ynë nesër mund të përfshihet nga reshjet e lehta të borës.
Këtë e bëri të ditur drejtori i Institutit Hidrometeorologjik të Kosovës (IHMK) Besim Aliu.
Ai tha për lajmi.net se gjatë ditës së nesërme nuk do të ketë të reshura të dendura të borës, por mund të ketë vetëm fjolla bore.
“Gjatë ditës së nesërme mund të ketë fjolla bore, por nuk do të ketë reshje të dendura bore”, tha Aliu.
Sipas tij, reshje më të dendura të borë do të kemi në fillim të javës së ardhshme.
“Reshje të borës pritet të ketë gjatë ditës së hënë dhe të martën”, deklaroi Besim Aliu.