Një grup tifozësh i Juventusit ka paguar që një video-mesazh të shfaqet në ndërtesen ikonike Time Square në New York, ku bëhet thirrje për shkarkimin e trajnerit Massimiliano Allegri.
Hashtagu #AllegriOut është kthyer në trend në rrjetet sociale në Itali pas humbjes shokuese 1:0 në shtëpi ndaj Udineses të hënën në mbrëmje, e cila e la Zonjën e Vjetër shtatë pikë larg liderit Interit, pavarësisht se kanë një ndeshje më shumë të zhvilluar.
Pak prisnin që hashtagu të arrinte në ekranet gjigante në Times Square, por pikërisht kjo ndodhi, me videon e mesazhit në qytetin e New Yorkut.
Aty lexohet: ‘Për një rikthim të Juventusit, NUK KA MUNDËSI TË TJERA, VEÇ ALLEGRIOUT’.
Mesazhi është nënshkruar nga Dybalix dhe AminePJ, të cilët janë mbështetës të Juventusit me qendër në Francë.
Ky mund të duket si një gjest ekstrem, por kostoja e një mesazhi të thjeshtë me tekst për 15 sekonda mund të jetë deri në 40 dollarë.
