Lëvizja Vetëvendosje përmes një videoje ka reaguar për grevën e fundit e cila po mbahet nga minatorët e Trepçës.
Kjo parti ka publikuar pamjet e përplasjes së sotme mes deputetit të AAK-së, Pal Lekajt dhe Artan Prebrezës, drejtor i Njësisë politika dhe monitorim të ndëmarrjeve publike në Ministrinë e Ekonomisë.
Vetëvendosje ka shkruar se “partitë e vjetra” i kanë marrë gjithçka Trepçës.
“Është nëntoka e politikës së vjetër jo punëtorët e minierës. Janë partitë e vjetra që i kanë marrë gjithçka Trepçës, deri edhe Terminalin Doganor, që sot bëjnë zhurmë. Janë këta politikanë të vjetër duart e të cilëve janë hequr përfundimisht nga Trepça që tash provojnë forma të pista për ta rikthyer pushtetin e humbur në Trepçë”, ka shkruar VV.
