Kryetari i Kuvendit të Kosovës, Kadri Veseli tha të enjten se lajmi për shtyrjen e vendimit për ish-komandantin Ramush Haradinaj është i papranueshëm për të gjithë shqiptarët.
Ai në rrjetin social Facebook shkruan se njëherë e mirë duhet tu jepet fund fletëarresteve të Serbisë ndaj ish-luftëtarëve.
“Duhet t’u jepet fund njëherë e mirë fletarresteve të Serbisë ndaj ish-luftëtarëve tanë dhe të ndalën këto përpjekje të ulëta për ta njollosur luftën e shqiptarëve për liri e pavarësi. Lajmi i shtyrjes së vendimit për ish-komandantin Ramush Haradinaj është një lajm i papranueshëm për gjithë shqiptarët, të cilët janë të bindur në pastërtinë dhe fisnikërinë e luftës sonë çlirimtare”.
