Kryetari i Kuvendit të Kosovës Kadri Veseli ka shprehur ngushëllime për familjet e viktimave të vërshimeve të fundit në rrethinën e Shkupit.
Gjithashtu Veseli ka theksuar se në këto çaste të dhimbjes, populli i Kosovës dhe institucionet e saj janë me familjet e viktimave, transmeton PrishtinaPress.eu.
Ky është postim i plotë:
Ngushëllimet më të sinqerta për familjet e viktimave nga vërshimet në rrethinën e Shkupit. Në këto çaste të dhimbjes së thellë, ku ende disa qytetarë konsiderohen të zhdukur, populli i Kosovës dhe institucionet e saj janë me familjet e viktimave. Jam i bindur se fuqia e solidaritetit, ju jep forcë ta përballojnë këtë fatkeqësi dhe do të riktheni shpejt jetën në vendbanimet e shkatërruara. K.V./PrishtinaPress.eu