Kryetari i Kuvendit të Kosovës Kadri Veseli ka deklaruar sonte në Radio Televizionin e Kosovës se PDK si partia e parë nuk frikësohet zgjedhjeve por nuk është e interesuar për zgjedhje të parakohshme pa marrëveshje me spektrin politik.
“Nuk frikësohemi nga zgjedhjet sepse e respektojmë vullnetin e popullit. Ne jemi partia e parë por koalicioni po vazhdon sepse kemi përgjegjësi, objektiva dhe procese për të përmbushur. Por unë kam thënë edhe më parë se me marrëveshje mund të shkojmë zgjedhje”, tha Veseli në RTK në emisionin Natën me Fatmir Spahiun.